استنزف الجفن دمعً في عيوني مقيم
والجرح ما مات وافراح الزمن قاحله
ياليل الاحزان ما كفّاك يومك تهيم
خواطرً فالزمان افراحها راحله
ما كنّ لك في الزمن والناس غيري خصيم
وتروح منّي مراحً متعبه كاحله
يا كم سريتك وبرد الليل عندي جحيم
والهم يبحث خفاي وحيلتي باحله
ياليت به بحر للي من همومه سقيم
وانثر همومً بقلبي في طرف ساحله
الذكريات القديمه عكس قولة نعيم
هذي هي بصدري المزحوم متناحله
ياللي تقول الشتا لا عاد ماهو لئيم
والطير يرجع لغصنً كان يرتاح له
خايف يعود الشتا ويعود جرحً قديم
والطير لا ناح تاتي نغمته ناحله