Published On Oct 30, 2021
ರಾಗ - ಮಿಶ್ರಪಹಾಡಿ- ತ್ರಿತಾಲ್
ಈ ಜಗವ ನಂಬಿ ಸುಖವೇ ಇಲ್ಲ l
ಪಾರು ಮಾಡೊ ದೇವಾ ll
ಒಂದು ಸುಖಕೆ ನೂರು ದುಗುಡ
ಇದುವೆ ಜಗದ ವೈಭವ ll
ಜನರ ದೂರಲೇಕೆ ನಾವು
ಅವರೆ ಕಷ್ಟದಲ್ಲಿ ಇಹರು l
ಅವರ ಚಿಂತೆ ಅವರಿಗೆ ಇಹುದು
ನಮ್ಮ ಚಿಂತೆ ಯಾರಿಗೆ ಮುದ್ದು ll
ಮನುಜ ತನ್ನ ಮಿತಿಯನು ಅರಿಯ
ಕಟ್ಟುತಿಹನು ಗಗನದಿ ಮನೆಯ l
ಸುಖದಿ ಬಾಳ್ವೆನೆಂದು ದುಡಿದ
ಬಾಳು ಮುಗಿವ ಮೊದಲೇ ಮಡಿದ ll
ಎಷ್ಟು ಸಾವು ಏನು ನೋವು
ಇದಕೆ ಆದಿ ಅಂತ್ಯವೆ ಇಲ್ಲ l
ಆಸೆಪಟ್ಟು ಪಡೆದುದನೆಲ್ಲ
ಇಲ್ಲೇ ಬಿಟ್ಟು ನಡೆಯುವರೆಲ್ಲ ll
ಹೇ ದೇವ ನೀನೊಬ್ಬನೇ ಆತ್ಮೀಯ ಬಂಧು ಎನಗೆ l
ಪ್ರೀತಿ ನೀಡುವವರಲ್ಲಿ ನಿನ್ನನ್ನು ಬಿಟ್ಟರಿಲ್ಲ ll
ಸ್ವಾಮಿ ಪುರುಷೋತ್ತಮಾನಂದ
show more