នៅពហុកីឡាស្ថានមរតកតេជោ ដែលបាននិងកំពុងរៀបចំប្រារពពិធីបិទ ព្រឹត្តិការណ៍កីឡាអាស៊ីអាគ្នេយ៍ ឆ្នាំ២០២៣ (ស៊ីហ្គេម ២០២៣) ដែលកម្ពុជាទទួលធ្វើជាម្ចាស់ផ្ទះរៀបចំយ៉ាងមហោឡារឹក ក្រោមការបន្លឺសម្លេងគាំទ្រហោកញ្រ្ជៀវយ៉ាងកងរំពងពីសំណាក់មហាជន ចេញពីពហុកីឡាដ្ឋានមរតកតេជោដោយភាពសប្បាយរីករាយ ក្រោមវត្តមានដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និង សម្តេចគតិព្រឹទ្ធបណ្ឌិតនិងថ្នាក់ដឹកនាំជាតិ អន្តរជាតិ កីឡាករ កីឡារិនីយ៉ាងគគ្រឹកគគ្រេងកាលពីរាត្រីទី១៧ខែឧសភាឆ្នាំ២០២៣។
ក្រៅពីភាពមហោស្ចារ្យ នៃអង្គពិធីខាងលើនេះ គេឃើញទិដ្ឋភាពនៅខាងក្រៅពហុកីឡាដ្ឋានឯណ្ណោះវិញមានស្តង់លក់សម្លៀកបំពាក់កីឡាជម្រើសជាតិកម្ពុជាមួយកន្លែង ដែលមានទីតាំងនៅខាងមុខបន្ទាប់ពីច្រកចូលឈៀងខាងស្តាំដៃនៃពហុកីឡាដ្ឋានមរតកតេជោ មានមនុស្សម្នា ក្មេងចាស់ប្រុសស្រ្តីទាំងជាតិ និងអន្តរជាតិផងនោះ បាននាំសម្រុកចូលទៅទិញអាវ ជម្រើសជាតិរបស់កម្ពុជា និង វត្ថុអនុស្សាវរីយ៍ ដែលផលិតដោយប្រទេសកម្ពុជាស្ទើរអស់ពីស្តុក។